澳洲人氣炸雞店 Belles Hot Chicken 金鐘快閃三天

來自澳洲人氣炸雞店 Belles Hot Chicken 於11月23日至25日，於金鐘太古廣場 Commissary 餐廳 pop-up ，提供當地的香辣惹味的南部炸雞，以及由 La Cabane 供應的天然葡萄酒。講番 Belles Hot Chicken 有乜咁巴閉？

由大廚 McGlone 主理的 Belles Hot Chicken 風靡澳洲，其招牌辣味炸雞每星期熱賣超過五公噸。炸雞採用走地雞肉，炸得金黃酥脆，肉嫩多汁，再使用特製辣醬、辣椒、香料粉等調味配合自製醃酸瓜享用。一邊食炸雞仲可以一邊飲紅酒，真係升級的食炸雞體驗。Pop-up 店同時供應香辣炸雞三文治、雞翼窩夫，以及薯條、椰菜絲沙律、自製醃酸瓜和芝士通心粉等配菜，只限三天，想食就要快！