隠藏在深水埗與太子之間的大南街，月大廚發辦私房菜向來低調，由兄弟檔老闆 Jim 和 Chris 主理，以每日新鮮採購食材的私房火鍋聞名，多年來儲落班 foodie 熟客，長期旺場。月近日推出全新串燒大廚發辦套餐（原價：$680；試食價$500/13道菜，兩位起)，主打本地食材和海鮮，店主每朝早都會走訪九龍區多個街市，採購最新鮮時令的食材。串燒餐單亦會因應季節和時令有所變更，不時不食。
菜單以海鮮打開序幕，有高湯北寄貝燒、肝醬鮑魚燒、大海蝦、酸汁湯燒葉生蠔；用上肥美肉厚的台山生蠔製作，海水味清淡，蠔肉甘甜鮮味突出，嚐燒蠔後可倒入威士忌混以湯汁同吃， 將鮮味融會麥芽的甘甜，一試難忘。豆豉蒜頭脆脆鱔，以新鮮鱔即劏即燒，燒至魚皮香脆，魚肉爽嫩，配上自家調配的豆豉脆蒜，香口惹味。還有墨蝦金剛棒，以新鮮自家手打的墨魚滑混合蝦滑製作，爽口彈牙，簡單以日式雞汁調味，鮮味香濃。
緊接海鮮輪到一系列串燒肉類登場。如蝦醬豬腩肉、鹽燒二節雞翼；推介燒牛舌芯配酸豆芥末醬，以牛舌最嫩滑最軟腍的部位直燒，爽中帶嫩。蔬菜則有經典牛油粟米燒、焦糖菠蘿及汁燒鮮菇。甜品有誠意，自家製作的雲呢拿雪糕配焦糖番薯，選擇以甜度較高，口感軟綿的榴槤番薯，此乃產自中國近年流行的新品種，番薯口感如榴槤般軟綿而命名，烤焗後再以火槍燒至焦糖脆面，配以雲呢拿雪糕同吃，口感豐富。