瑞士蓮朱古力復活蛋（$45.90/六隻）
大家熟悉的瑞士朱古力品牌，佢嘅 Lindor 牛奶軟心朱古力出名香滑，而這款復活蛋就好似加大碼嘅 Lindor 朱古力，咬下朱古力蛋殼，即可感受到軟心朱古力嘅濃郁香滑。
越來越多朱古力品牌都趁機推出節日限定的朱古力蛋，五花八門各有特色，真係點止出奇蛋咁簡單﹗今次我哋走勻各大超市便利店，精選以下六款好吸睛嘅復活蛋俾大家，食得玩得又睇得﹗
廣告
Kit Kat 朱古力復活蛋杯（$78）
平時 Kit Kat 嘅口味多到一對手都數唔晒，不過呢個復活節限定版就忠於原味， 配埋大大隻朱古力金蛋同印有朱古力條嘅杯，Kit Kat 迷又多一樣珍藏品嘞﹗
廣告
吉百利 Oreo 餡朱古力蛋 （$32/4隻）
紫色蛋盒好搶眼，入面放有四隻朱古力蛋，仲附送兩隻匙羹，好貼心。撕開紫色包裝紙扑開濃郁的牛奶朱古力味蛋殼，即見軟心 Oreo 碎忌廉，甜到入心入肺﹗
Mars 復活蛋（$38）
鍾意朱古力拖肥嘅朋友，唔好錯過呢隻 Mars 嘅復活蛋，盒內除了有一隻巨型朱古力蛋之外，還一條 full size 朱古力條，脆餅乾底配濃郁朱古力和拖肥，令人無法抗拒。
廣告
M&M’s 朱古力復活蛋（$13.50/隻）
M&M’s 一向包裝百變，好似呢個復活蛋 look 就夠晒應節，最啱用嚟玩 Easter Egg Hunt﹗每隻蛋入面有兩小包 M&M’s 朱古力，記得只溶喺口呀﹗
麥提莎兔連朱古力蛋（$19.90）
造型可愛嘅麥提莎兔已經俘虜咗唔少麥提莎粉絲，今次仲加埋復活限定朱古力蛋，絕對係麥提莎兔嘅最佳拍檔。
相關文章
唔講唔知，香港有不少適合一家大細去玩的活動地方：可以摘士多啤梨、與動物互動的鄉村農場、適合全家人行走的登山步道、公共遊樂場等。除咗要好玩，小朋友的飲食也一樣重要。
推介以下一些歡迎帶小朋友用餐的絕佳地方，能在讓小朋友歡樂用餐的同時也讓父母吃得輕鬆。
你或許也會喜歡
你或許也會喜歡
Discover Time Out original video
廣告