麥當勞16大漢堡包排行榜

牛肉漢堡只以少許鹽與胡椒調味，配搭酸瓜、洋葱粒與茄醬，就係咁簡單，有點到喉唔到肺，還是等它推出$10蚊兩個優惠時先至買嚟食（等到頸都長）。

鬆軟麵包，夾住香煎火腿扒同軟滑芝士，感覺單調泛味，寧願食茶記嘅扒芝腿治。

香軟芝士，配香滑農場鮮雞蛋，入口軟滑，出奇地夾，雖然少了塊肉，味道寡啲，但唔想啖啖肉時可考慮。

意式香軟包、墨西哥辣椒、墨西哥辣茄醬、香甜菠蘿、buttermilk 脆雞⋯⋯太多組合有點格格不入，不過勝在大大件用料新鮮，嗜辣朋友不妨一試。

Upgrade 版芝士漢堡，選用特厚100%安格斯牛肉，130g夠晒份量，配上最signature嘅漢堡配搭：法式甜飽、茄汁、酸青瓜、軟滑白芝士及車打芝士，正路應冇得輸；可惜漢堡扒時有失準， 煎得過火，肉汁欠奉，麵飽亦偏乾身，仲要比巨無霸貴$10，整體來說有點失望。

香軟芝士完全溶在與鮮牛肉漢堡上，配脆酸瓜、洋葱粒與茄醬，豐富口感，雖然未必夠飽肚，但味道嚟講CP值高。

金黄脆辣的外皮，內裏係鮮嫩幼滑的雞腿肉，配上清爽生菜同惹味沙律醬，多重滋味，略嫌外皮有點硬有點厚，小心刮損嘴。

原塊去骨雞扒， 加上黑胡椒調味，烤至香噴噴，配以翠綠新鮮生菜及惹味的板燒雞醬，除了雞扒較為乾身，整體味道配搭不俗 。

漢堡扒選用100%特厚安格斯牛肉炮製，再加上雙重芝士、香烤蘑菇和松露風味醬，將香濃肉味進一步升級，作為麥記餐牌上最貴的漢堡（$35），水準總算達標，不過糧尾未必捨得食。

鍾意食麥樂雞嘅朋友都應該都係麥香雞個friend。金黃酥脆的雞肉伴上生菜，附送大量沙律醬，以$11的格格嚟講，冇得投訴﹗

上層是香煎金黄靚煙肉，下層是香滑鮮雞蛋，配合出爐鬆餅與軟滑芝士，早餐至愛。

雙層純牛肉，雙層香軟芝士，加上鬆軟麵包及惹味醬料，份量剛好，雙倍滋味！

豬柳結合新鮮出爐鬆餅與軟滑芝士，配搭雖然簡單，但豬柳扒永遠比牛肉漢堡扒多汁，這也是我們深愛它的原因之一。

「麥記魚柳包入面應該有半塊還是一塊芝士？」這個問題或許已纏繞着大家多年。據官網解釋，魚柳包自1975年在港推出後，一直以半塊芝士製作，全球份量相同。姑且不論那塊芝士，金黄色的魚柳配上那滋味的沙律醬，的確令人回味。

之前都提過，豬柳漢堡比牛肉漢堡鮮嫩多汁，配上香滑鮮雞蛋，更可中和一點點油膩感，味道更加豐富。

「雙層牛肉巨無霸、醬汁洋葱夾青瓜 、芝士生菜加芝麻 、人人食過笑哈哈」這個經典的急口令相信好多人仍然背得出，亦講出巨無霸好味嘅重點⋯⋯不過由於個包太厚太足料的關係，經常會食到成手汁，甚至牙骹都甩，所以未必可以笑哈哈。