[title]
最近銅鑼灣開咗一間創意爆燈的甜品店 Eat Darling Eat，將紅豆沙、木瓜雪耳糖水、黑芝麻湯圓和番薯糖水等中式糖水全部都變晒中西 fusion版。好似果皮紅豆沙（$68），上層是用果皮做成薄脆，配湯圓、抹茶雪糕和紅豆湯；番薯糖水（$68）配朱古力蛋糕及香芋雪糕；木瓜雪耳糖水（$68）則配搭配意大利軟芝士、飾以木瓜薄脆，賣相精緻，味道和口感都出奇地夾。想再玩味一點，必試招牌四川花椒伴或豬腳薑雪冰（各$48），前者配惹味的焦糖煙肉薄脆；後者薑醋味强勁仲配上炸豬皮，一啖一驚喜。新店稍後仲會推出更多期間限定口味，於3月2日正式開幕當日3.15pm-5pm更會送出100個招牌菠蘿包 ── 將傳統的菠蘿包注入獨一無二的菠蘿吉士醬，先到先得，送完即止！
除提供一系列玩味甜品，這裏同時於午餐及晚餐時段供應主菜小吃，推介有磨豉醬雞頸肉脆雞皮飯和酥炸豆卜釀香草芝士甜醬；不可錯過還有精選咖啡及特色雞尾酒，快啲同埋 darling 去撐枱腳啦！
番薯糖水配朱古力蛋糕及香芋雪糕
Eat Darling Eat
地址：銅鑼灣 Fashion Walk 記利佐治街11-19號地下17舖
電話：3188 8949