I Love You Dessert Bar (已結業)

近年大熱的日式班㦸，各大名店閒閒地賣近百元一份。這家土炮日式梳乎厘班戟店則以高質素、親民價（$29起）打響名堂，仲攞埋「2018年米芝蓮街頭小食推介」難怪門外經常大排長龍；繁忙時段最少要等45分鐘，每逢假日週末都日賣過千份。最近推出的班㦸拿破崙系列同樣大受歡迎，三款口味包括：日本柚子抹茶吉士、鮮芒果吉士和榛子吉士，鬆脆的拿破崙夾住軟棉棉的梳乎厘班戟，加埋自家製的醬料和吉士，口感層次和味道都極豐富。