新冠肺炎疫情第三波來勢洶洶，7月15日凌晨零時起，限聚令再次收緊至四人，而食肆每日下午六時至翌早五時前不准堂食，只能做外賣，為期七日。大家為減少社交接觸，都寧願叫外賣，呢個時候外賣 App 就大派用場。除了 Foodpanda、Deliveroo 和 Uber Eats 三大巨頭之外，坊間仲有多個方便實用的外賣 App，不論是生猛海鮮直送、24小時靚湯速遞、半價外賣自取等，種類多元化，讓你安在家中舒舒服服食餐好。
Foodpanda 在香港的合作夥伴超過7000 間餐廳食肆，不時推出着數優惠，如「滋味當夏八折優惠」、外賣自取八折等，啱晒精明消費者。此外，App 另設有 Pandamart，集齊便利店、零食店、茶葉店、老餅家、韓國食品店、個人衞生用品店等，一站式生活便利直送府上。
想煮飯仔大顯身手？推介「鮮直送」海鮮外賣速遞 App，應用程式於去年10月開始啟用，在香港仔魚市場自設海鮮工場，海鮮種類極多，如北海道元貝、泰國瀨尿蝦、阿拉斯加長腳蟹、大連鮑魚、美國波士頓龍蝦、東南亞青斑等等。過癮之處是你可透過網上24小時直播揀海鮮，下單後最快三小時由香港仔魚市場直送你府上，而且價錢公道。除咗最鮮味嘅海鮮之外，你更可用優惠價購買泰潮 Thai Chiu 豬脾（$78，原價$178） 同海南雞（$98，原價$208）。
每日有約10-11款精選燉湯供應（$58起）及多款花膠燉湯系列（$68起），燉足四小時，滋陰養顏，好受女生歡迎。湯直送最大賣點是可以24小時訂湯，滿$200即有專人送湯上門，半夜三更想飲湯都得！手機程式上還設有廚房實況直播，夠噱頭。
《香港01》於2018年8月1日推出名為「e 肚仔」的外賣自取功能，提供多元化外賣美食服務，包括外賣自取、外賣送遞、掃碼點餐及集點取餐點等，於全港超過1,800間餐廳叫外賣自取，區區有優惠低至半價。App 內餐牌價錢絕無 mark-up 及不設最低消費，不論是$10杯飲品還是$8串魚蛋也能下單。「e肚仔」不時都有獨家優惠，如全港$8美食優惠､食10餐送1餐等，詳情留意其 FB 專頁。
Uber Eats 香港目前服務範圍覆蓋中西區、灣仔區、港島東區、港島南區、油尖旺區、九龍城區、觀塘區、荃灣區、沙田區、葵青區、元朗區、將軍澳區及屯門區，搜羅多間不同菜式主題等餐廳，包括中、日、韓、泰、台菜、快餐、茶飲店等。App 經常提供訂單折扣，如消費滿$100即減省$25；滿$300即減$60，大家落訂時記得輸入優惠碼嘞！
Eatigo 是亞洲領先的網上餐廳訂座平台，提供高達50％訂座折扣。因應新冠肺炎疫情嚴重﹐Eatigo 最近正式推出「eat-to-go」外賣自取優惠服務，參與餐廳包括：The Coffee Academics、中環 Fridge、享慢煮意、西營盤 Second Street Comfort Food and Bar、六間指定 Pizza Express 等，外賣自可享最高50%折扣﹐非常着數。
銅鑼灣利園推出全新外賣自取及外賣送餐平台，盡覽超過80間餐飲商戶的外賣資訊，會員更可享獨家精彩優惠，包括在指定餐飲商戶外賣自取，享有低至七折優惠；由搜尋餐廳、訂位、點菜、結賬到賺取獎賞積分，
要數最受歡迎的本地外賣 App ， Deliveroo 戶戶送是其中之一。來自英國倫敦，主打高級餐飲外送服務的 Deliveroo 目前在全球500多個城市營運，與全球超過八萬間餐廳合作，香港則有超過6,500間合作餐廳，種類多元化。Deliveroo 特選用戶可升級至 Deliveroo Plus，適用於過百間餐廳，不論餐廳有距離或訂餐次數，消費滿$100即可免運費，兼享額外折扣及優惠。(月費$98）
Discover Time Out original video
