香港煲仔飯2025：外賣煲仔飯/廟街煲仔飯

嚐囍是西環區內有名的街坊小菜館，更攞埋「米芝蓮車胎人美食推介」，人氣爆燈，晚上七時後必現人龍。 這裏的煲仔飯約有30款，師傅混合泰國新舊米，加上幾滴豬油，更堅持以炭火炮製。臘味排骨煲仔飯，米飯乾爽甘香，飯焦可原塊刮起，金黃勁脆﹗臘腸膶腸甜甜地有玫瑰露香；排骨入味、臘肉唔過肥；豉油鹹甜適中。值得一讚，小店服務甚佳。 

老闆華哥是昔日登龍街煲仔飯名店「新翠華」的大廚，曾創出不少經典的煲仔飯。這裏的招牌炭燒煲仔飯有近30款口味選擇，除傳統配料，也有多款創新口味，如野菌鵝肝飯、荔茸肉碎飯、蒜香牛頸脊飯等。鱆魚雞粒臘腸煲仔飯，鱆魚雞粒味道不俗，臘腸肥瘦適中。豉油味道有層次，鮮甜美味，撈飯一流。

逾40年歷史的上環老字號食店，由最初一間茶餐廳變成主打賣煲仔飯的店戧。這裏出名用麵包爐焗煲仔飯，火候平均，飯粒分明，不過要心理準備要20-30分鐘。推介馳名的窩蛋牛肉飯，手剁牛肉醃得入味，咬下有嚼勁，撈埋窩蛋食，又香又滑。不可錯過還有這裏的例湯，足料無味精。溫馨提示：店舖不做晚市，星期日及公眾假期休息，不要摸門釘啊！

提起老店蛇王芬，別以為只得招牌名物蛇羹，其臘味煲仔飯也相當出色。廣受歡迎的臘味煲仔飯 選用自家特製的臘腸膶腸臘肉，酒香膶香油香共冶一煲，你更可另加金蠔、油鴨髀組成鴛鴦腸油鴨髀金蠔臘肉煲仔飯，足夠兩至三人窩心分享。想加倍暖身？試試鴛鴦腸蛇片煲仔飯，蛇肉即日鮮宰，用料新鮮。其他推介包括：蝦乾肉碎吊片煲仔飯、鹹魚肉餅煲仔飯、鴛鴦腸羊肉片煲仔飯及北菇豉汁白鱔煲仔飯（需預訂）。

西環煲仔飯一哥，老店設於桂香街，以老闆坤哥親自主理的炭燒煲仔飯聞名，晚飯時段一定要預先訂枱。皇后大道西分店雖然非炭燒， 但煲仔飯同樣有水準，大路款式約30款，下單後一般要等一個鐘先有得食。窩蛋牛肉臘腸煲仔飯，飯甘香，粒粒分明，飯焦分佈整個鍋底，有種鍋巴的焦香；牛肉入味軟腍，臘腸有質素。秘製豉油甜中有鮮，為煲仔飯加分。

深受年輕人歡迎的光榮冰室，出名碟頭飯大碟夾扺食，其馳名煲仔飯也是老饕至愛。主打十款煲仔飯，由豬油煲仔飯、臘味煲仔飯、土魷蒸肉餅煲仔飯到窩蛋牛肉煲仔飯等，真材實料不賣花巧。最特別是加$15可連煲外賣自取（不設退煲），返屋企慢慢歎亦得。

札根廟街幾十多年，四季絕對稱得上是煲仔飯始祖。店裏提供超過30款煲仔飯，款式傳統不花巧，全部以炭爐即席煮，米飯散發陣陣炭香，豉油加入香料烹調，味道香甜。除了煲仔飯之外，炸鴨蛋蠔餅是必試之選，吃起來鬆脆鹹香，十分惹味。一到煲仔飯旺季，晚晚爆滿，長龍閒閒地20、30人。膶腸雞肉煲仔飯，飯算乾身，有米香；膶腸酒味重；雞肉用上髀肉，肉質滑溜。豉油最為出色，以料頭煮過，惹味香甜；不過想要飯焦就要看彩數。

興記在廟街已䇄立30多年，於前後兩條街共擁有多間舖位，座位多不用輪候太耐。雖格局較為簡陋，勝在菜式價錢平又充滿地道風味，不少遊客慕名而來。這裹的炭燒煲仔飯花款多，左拼右搭逾兩60款。不過老實講，來這裏食風味多於味道。